Білім биігінен көрінген шебер ұстаз
Шәкірт жүрегіне жол таба білген, мектебіміздің үздік ұстазы, шебер-педагог Қожахметова Салиха Сұлтанханқызы мұғалімдер күні мерекесіне орай Түркістанда өткен облыстық іс-шарада "Ы.Алтынсарин" төсбелгісімен марапатталды.
Салиха Сұлтанханқызы - өз өмірін сапалы білім берумен қатар бала тәрбиесіне арнаған жан. Ол- тек пәнін жетік меңгеріп қана қоймай, шәкірт жүрегіне жол таба білген ұлағатты ұстаз.
1987 жылы ұстаздық жолын бастаған Салиха апай 2000-2007 жылдары Ә.Байтанаев атындағы негізгі орта мектебінде мектеп директорының оқу-тәрбие ісі жөніндегі орынбасары, 2007-2025 жылдар аралығында осы мектепте мектеп директоры қызметін атқарды.
Басшылық қызметпен қатар пән мұғалімі ретіндеде оқушылары облыстық, республикалық деңгейдегі байқау, конкурстардың , ғылыми жобалардың жүлдегерлерін дайындай білді.
"Ұстазы жақсының - ұстамы жақсы" дегендей, С.Қожахметова дәріс берген шәкірттері бүгінде республиканың түкпір- түкпірінде білімді де білікті мамандар ретінде қызмет атқаруда.
С.Қожахметова - жас мамандардың жанашыры, бағыт-бағдар берушісі. Ұстаздық жолда тәлімін алған білім ұясындағы шәкірттері де білім саласының майталмандары.
Қожахметова Салиха Сұлтанханқызы білімімен ғана емес, адамгершілігімен де дараланған тұлға. Оның жетістіктері - жас ұрпақ ұшін үлгі - өнеге.
Салиха апай! Кеудеңізге таққан төсбелгіңіз құтты болсын!
Бұл - сіздің қырық жылдық толасыз еңбегіңіздің жемісі. Деніңізге саулық, отбасыңызға амандық, педагогикалық қызметіңізге толағай табыстар тілейміз.
Ізгі ниетпен Ә.Байтанаев атындағы негізгі орта мектебінің ұжымы.
