Түркістан облысы Отырар ауданы "Ә.Байтанаев атындағы негізгі орта мектеп" КММ-де 12 сәуір – Ғарышкерлер күніне орай 5-9 сынып оқушылары арасында сынып сағаттары ұйымдастырылды.
Іс-шараның негізгі мақсаты – оқушыларға ғарыш әлемі туралы мағлұмат беру, ғылым мен білімге деген қызығушылығын арттыру және ғарышкерлердің ерлігі мен еңбегін насихаттау болды.
Сынып сағаттары барысында оқушыларға ғарыштың тарихы, алғашқы ғарышқа ұшу, ғарышты зерттеу жетістіктері туралы ақпараттар берілді. Сонымен қатар, ғарышкерлердің өмірі мен еңбегі туралы бейнероликтер көрсетіліп, танымдық әңгімелер жүргізілді. Оқушылар өз ойларын ортаға салып, ғарыш тақырыбында сұрақ-жауап, пікірталас жұмыстарына белсенді қатысты.
Кейбір сыныптарда шығармашылық тапсырмалар орындалып, сурет салу, эссе жазу, викториналық ойындар ұйымдастырылды. Бұл жұмыстар оқушылардың қиялын дамытып, тақырыпты тереңірек түсінуге мүмкіндік берді.
Іс-шара соңында оқушылар ғарыш саласына деген қызығушылықтарын білдіріп, ғылымның маңыздылығын түсінді. Өткізілген сынып сағаттары танымдық әрі тәрбиелік мәні зор болып, оқушылардың білім көкжиегін кеңейтуге ықпал етті.
