23-сәуір Ұлттық кітап күні
Түркістан облысы Отырар ауданы "Ә.Байтанаев атындағы негізгі орта мектеп" КММ-де Ұлттық кітап күніне орай «Балалар әдебиеті – рухани тәрбие бастауы» атты онкүндік барысында кітапханашы Ж.Дариеваның ұйымдастыруымен 4-сынып оқушылары арасында «Балалар басылымдары – кітапқа бастайтын жол», «Менің сүйікті журналым» атты танымдық іс-шара ұйымдастырылды.
Іс-шараның негізгі мақсаты – оқушылардың кітап оқуға деген қызығушылығын арттыру, балаларға арналған газет-журналдармен таныстыру және олардың рухани дамуына ықпал ету болды. Кітапханашы балалар басылымдарының маңыздылығы туралы айтып, түрлі журналдардың мазмұны, ерекшелігі және пайдасы жөнінде түсінік берді.
Оқушыларға жас ерекшеліктеріне сай «Балдырған», «Ақжелкен», «Ұлан» сияқты балалар журналдары таныстырылып, олардың тұрақты айдарлары, қызықты тапсырмалары мен танымдық мақалалары көрсетілді. Сонымен қатар, оқушылар өздерінің сүйікті журналдары туралы айтып, пікірлерімен бөлісті.
Іс-шара барысында түрлі сұрақ-жауаптар ұйымдастырылып, белсенді қатысқан оқушылар марапатталды. Балалар журналдардан қызықты мәліметтер алып, кітап оқуға деген ынталарын арттырды.
Аталған шара оқушылардың бос уақытын тиімді ұйымдастыруға, олардың кітапқа деген сүйіспеншілігін қалыптастыруға және рухани дамуына оң әсерін тигізді.
