Түркістан облысы Отырар ауданы "Ә.Байтанаев атындағы негізгі орта мектеп" КММ-де 2-сәуір Халықаралық балалар кітабы күніне орай 5-9 сынып аралығында «Кітап – рухани қазына», 1-4 сынып аралығында "Кітап -сарқылмас бұлақ" тақырыбында сынып сағаты өткізілді.
Мақсаты:
Оқушылардың кітап оқуға деген қызығушылығын арттыру, рухани құндылықтарды бағалай білуге тәрбиелеу, білімнің қайнар көзі – кітап екенін түсіндіру.
Іс-шара барысы:
Сынып сағаты барысында «Кітап – рухани қазына» тақырыбы кеңінен түсіндірілді. Мұғалім оқушыларға кітаптың адам өміріндегі маңызы туралы әңгімелеп, оның білім мен тәрбиенің негізгі көзі екеніне тоқталды.
Оқушылар өздерінің сүйікті кітаптары туралы айтып, кейіпкерлерімен бөлісті. Сонымен қатар, «Кітап – алтын қазына», «Кітапсыз өмір – білімсіз өмір» тақырыптарында пікір алмасу жүргізілді.
Іс-шара барысында:
кітап туралы мақал-мәтелдер айтылды;
жұмбақтар шешілді;
шағын көріністер қойылды;
мәнерлеп оқу ұйымдастырылды.
Қорытынды:
Сынып сағаты оқушыларға үлкен әсер қалдырды. Олар кітаптың адам өміріндегі орны ерекше екенін түсініп, кітап оқуға деген қызығушылықтары артты. Оқушылар өз ойларын еркін жеткізіп, рухани байлықтың бастауы – кітап екенін ұғынды.
