«ҚАУІПСІЗ БАЛАЛЫҚ ШАҚ»: КЕЗЕКТІ ОНЛАЙН КЕЗДЕСУ
Бүгін, 4 ақпан 2026 жылы, «Адал азамат» біртұтас тәрбие бағдарламасы аясында Түркістан облысы прокурорының орынбасары Дәулет Тлемисов Бекбашұлының оқушылармен және ата-аналармен кезекті онлайн кездесуі өтті.
Бұл — «Қауіпсіз балалық шақ» концепциясы аясында ай сайын дәстүрлі түрде өткізіліп, өзекті мәселелерді ашық талқылауға мүмкіндік беретін маңызды диалог алаңы.
Қатысушылар: Отырар ауданы білім бөліміне қарасты «Ә.Байтанаев атындағы негізгі орта мектеп » КММ-нің 7-9 сынып оқушылары мен ұстаздары.
Эфирде талқыланған басты мәселелер:
Құқықтық сауаттылық: Жасөспірімдер арасындағы құқықбұзушылықтың алдын алу.
Киберқауіпсіздік: Интернеттегі қауіпсіздік, буллинг және кибербуллингпен күрес.
Қоғамдық тәртіп: Мектеп пен көшедегі зорлық-зомбылықтың алдын алу.
Кездесу барысында Дәулет Бекбашұлы қойылған сұрақтарға талдау жасап, әрбір қатысушының көкейіндегі сауалына мұқият әрі сабырмен жауап берді. Осындай жүйелі кездесулер балалардың құқықтық мәдениетін қалыптастыруда маңызды рөл атқарады.
Мақсатымыз – қауіпсіз орта мен саналы ұрпақ тәрбиелеу!
